كان يا مكان هناك ارملة طلبت منها احدى الجهات الحكومية باثبات حالة انها ارملة مادري ليش مافي ثقة بالشعب كده المهم روحنا وخذنا الموعد الي بعد سته شهور وعدت السته شهور بسلام بس كان طالبين عشان يصدقو انها ارملة تجيب شاهدين ومزكيتين مو ناقص يقولو غير طلعي زوجك من قبره واثبتي لنا انه ميت طبعا كعادة رجالنا سحبو على هالارملة ونامو وماراح معها الى هالمزكيتين وبنتها ع
لى امل مصادفت اي شاهد ماشفش حاجه في طريقهم و طلعو لمكتب القاضي المذكور في ورقة الموعد اذا به على حظ هالغلبانة حصل تغييرات وترقيات للسادة طال اعمارهم القضاة واذا بهم يرسلووو هالاربع حريم لنفس ذااك المكان الي راحو له له قبل سته شهور واذا بهذا المكان يرسلهم لقاضي ثاني عشان يفكر القاضي الثاني يعطينا الحكم باثبات الحاله اليوم ولا في يوم ثاني وخوفا من ان يكون القاضي مزاجه رايق اليوم ويقرر يحكم قالو هالاربع حريم ندور لنا على شاهدين دام ان رجالنا مامنهم رجا ومايجيبها الى حريمها وبدئت رحلت البحث عن شاهد ماشفش حاجه امام بوابة المحكمة العظيمة كل مشافو ذاك الرجال الطيب الا راحتله وحده من هالحريم وقالت له ونخته و كفته نبيك بس تشهد على ان هالحرمة ارملة وترى والله والله انها ارملة ماتمثل اذا به يصرفها التصريفة المحترمة فقررو هؤلاء الحريم حفظ ماء الوجه و الانسحاب من عملية البحث امام باب المحكمة واذا فجئة طرا على راس وحده منهم رجال طيب يعتبر بالنسبة لهم رجل المواقف الصعبة و مايلقونه الى وقت الازمات وكلموه يجي يشهد وكالعاده هالرجال الطيب ماردهم واخذوو نفساا عميقااا اخيرا لقينا الشاهد الي بيجيب صاحبه يشهد معه .. و طلعوللقاضي الثاني و اذا به يرزع لهم موعد في وقتا مادري على اي اساس اختاره وضاعت كل مجهوداتهم في البحث عن شاهد في مهب الريح وفي طريقهم للرجوع خائبين اذا يلقون ذاك الموظف الي دوبه ماخذ الورق من وحده منهم ومعطيها للشيخ اذا بوحده ثانية منهم تناديه لو سمحت اذا به جالهم وهوا فارد ذراعيه للمساعده مع انه ياخي دوبه كانت عنده جوه بنت الارملة ماشافت منه الى كل تشميقات و ونظرات مالها داعي بس الظاهر ماكنت على المزاج الرايق والظاهر انه الي نادته الحين جايه على المزاج الرايق المهم لانظلم الناس ونرجع لموضوعنا اذا به جه لهم وقالهم و عرض خدماته وسئلته البنت ليش تاخر الموعد قام قالها وريني ورقة القضية مع انه مالها دقيقة كانت في يده وهو معه بنت الارملة بس زي ماقلنا سلفا المهم جالس يطقطق بكلام مال امه داعي الين اضطرت الى اعادة السؤال انا بعرف وش سبب التاجيل قاام قالها الجواب الشافي الكافي المعافي يا اختي انتي في محكمة لا تسالي عن اسباب مافي اسباب القاضي ماله مزاج يحكم لكم اليوم لاكن لو انكم جاين عن طريق احد تعرفونه من قبل كان خلصها لكم اليوم عرفتي كيف ؟؟ وبدء استعراض العضلات من جانبه والله شوفي ودي اساعدك بس مو حلوه توكم خارجين من عنده ارجع له ثاني و اقوله ان يقدم الموعد لاكن اسمعي شوي و ادخل واكلمه وبجيبلكم الموعد الي تبوه بس عطيني رقم القضيه ولا اقولك ارسليه لي على الجوال احسن واذا بهم رضو بلامر الواقع واخذو رقم هالموظف كريم الاخلاق وارسلو له رقم القضية واذا به يدق عليها بعد اقل من ساعة ويقول لها يالغالية كلمت القاضي وقلت له انكم جماعتي ومن طرفي وتهموني وقالي يااا رجاااال ليش ماقلت كداا من اول كان حكمت لهم اليوم وتقدم الموعد بفضل الله ثم بفضل القضاء النزيه العادل ومؤسسة القضاء العادلة الي الموعد الي هم يريدونه وفي الساعه التي تناسبهم والحمدلله ... و الى الامام يامؤسسات الدولة العظيمة ..
